İranda son sutkada daha 117 nəfər koronavirusdan ölüb.
Bunu İran Səhiyyə Nazirliyinin sözçüsü Kiyanuş Cahanpur bildirib.
Onun sözlərinə görə, bununla da ölkədə pandemiya qurbanlarının ümumi sayı 4 474-ə çatıb.
K.Cahanpur deyib ki, İranda son sutkada infeksiya daşıyıcılarının sayı 1 657 nəfər artaraq 71 686-ya yüksəlib.
Bundan başqa, xəstəxanada müalicə alan 43 894 pasiyent sağalıb.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.
///Report
