3 aydan çoxdur kütləvi zəhərlənmə hallarının müşahidə olunduğu İranda adətən qız məktəblərində 5 mindən çox şagirdin zəhərləndiyi bildirilib.
AZXEBER.COM xəbər verir ki, İran parlamentinin zəhərlənmə halları üzrə araşdırma komissiyasının üzvü Məhəmməd Həsən Əsferi mövzu ilə bağlı açıqlamalar verib.
O bildirib ki, kütləvi zəhərlənmə halları ilə bağlı dünən Kəşfiyyat, Daxili İşlər, Təhsil, Səhiyyə nazirlikləri, İnqilab Keşikçiləri və polis idarəsinin iştirakı ilə iclas keçirilib. Yığıncaqda təqdim olunan hesabatlara toxunan Asferi 30 noyabr 2022-ci ildən bəri 25 kənddə 230 məktəbdə 5 mindən çox kişi və qızın zəhərləndiyini açıqlayıb.
Zəhərlənmənin səbəbini müəyyən etmək üçün müxtəlif testlər aparıldığını bildirən İran rəsmisi zəhərin növü və ya mənbəyini müəyyən etməyin mümkün olmadığını və araşdırmaların davam etdiyini bildirib.
Asferi bildirib ki, təsdiq olunmayan məlumata görə, bəzi yerlərdə çürük meyvə qoxusuna bənzər qaz emissiyasının olduğu barədə açıqlamalar var. Araşdırma Komissiyasının üzvü Əsferi əlavə edib ki, Səhiyyə Nazirliyi hadisəni ciddi şəkildə izləyir və nazirlikdən nəticə gözləyir.
Qeyd edək ki, 30 noyabr 2022-ci ildən İranda əsasən qız tələbələrin təhsil aldığı məktəblərdə kütləvi zəhərlənmə halları baş verib. Şagirdlərdə tənəffüs çətinliyi, ürəkbulanma, baş ağrısı və ətraflarda uyuşma kimi simptomlar müşahidə olunur.
Ayşən
