İrandan SƏRT BƏYANAT: Nəzarət bütün tərəflərin əlindən çıxa bilər

AZXEBER.COM İran Tələbələr Xəbər Agentliyinə (İSNA) istinadən xəbər verir ki, İranin xarici işlər naziri Hüseyn Əmir Abdullahian Birləşmiş Millətlər Təşkilatının (BMT) Fələstinlə bağlı fövqəladə sessiyasında iştirak etmək üçün Nyu-Yorka gedərkən mətbuata açıqlama verib.

Nazir İsrailin Qəzzaya hücumlarının həyəcanverici həddə çatdığını və nəzarətin hər an bütün tərəflər tərəfindən itirilməsi ehtimalının olduğunu açıqlayıb.

Abdullahiyan deyib: "ABŞ və bəzi Avropa ölkələrinin sionist rejimə kor-koranə dəstəyi və Qəzza xalqına qarşı qırğın və soyqırımları ucbatından Qərbi Asiya regionunda vəziyyət bütün ölkələr üçün qorxulu səviyyəyə çatıb. Nəzarət istənilən vaxt bütün tərəflərdə itirilə bilər", - deyə bildirib.

İsrailin hücumlarının tez bir zamanda dayandırılması və Qəzzaya humanitar yardımların çatdırılması lazım olduğuna diqqət çəkən İranlı nazir fələstinli qrupların İsrailə qarşı öz torpaqlarını müdafiə etmək hüququna malik olduğunu və bunun beynəlxalq hüquqa və Birləşmiş Ştatların şərtlərinə uyğun olduğunu xatırladıb.