İranlı futbolçu Əmir Nəsr-Azadanini ölüm cəzası gözləyir.
AZXEBER.COM xarici mediaya istinadən xəbər verir ki, iranlı futbolçu Əmir Nəsr-Azadaninin edam təhlükəsi olduğu məlumatı yayılıb.
Yayılan iddialardan sonra Dünya Peşəkar Futbol Assosiasiyası (FİFPRO) Tehrana reaksiya verib.
Ümumdünya Peşəkar Futbolçular Assosiasiyası (FIFPRO) iranlı futbolçu Əmir Nəsr-Azadaninin üç aydır ölkəni sarsıdan etirazlarla bağlı ölüm cəzasına məhkum edilməsi riskindən şoka düşdüklərini bildiriblər.
"FİFPRO ölkəsində qadın hüquqları və əsas azadlıqları uğrunda mübarizə aparan peşəkar futbolçu Əmir Nəsr-Azadaninin İranda edam ediləcəyi xəbərindən şoka düşüb və ikrah hissi keçirib. Biz Əmirlə həmrəyik", - birliyin "Twitter” hesabında deyilir.
Qeyd edək ki, futbolçu Əmir Nəsr-Azadani İsfahanda 3 təhlükəsizlik qüvvəsinin öldürüldüyü silahlı qiyamda iştirak etdiyi üçün həbs edilib.
Əmir Nəsr-Azadani də daxil olmaqla ən azı 9 nəfəri ölüm cəzası gözləyir.
Ayşən
