İran Ordusu Komandanının müavini, briqada generalı Əli Rza Şeyx ölkəsinin raket və pilotsuz uçuş aparatı (PUA) potensialının 75 faizindən çoxunun sağlam və istifadəyə hazır vəziyyətdə olduğunu bildirib.
AZXEBER.COM xarici mediaya istinadən xəbər verir ki, O, İranın hərbi istehsalının çfasiləsiz davam etdiyini deyib.
Şeyx İranın "Jamaran” xəbər saytına açıqlamasında hərbi güclə diplomatiyanın koordinasiyalı şəkildə fəaliyyət göstərdiyini vurğulayıb.
"Biz hərbçilər diplomatiyanın arxasında dayanırıq. Hərbi güc zəif olduqda diplomat da danışıqlar masasında zəif mövqedə olur”, – deyə iranlı general bildirib.
O, həmçinin ABŞ-ın siyasi hədəflərini dəyişdirdiyini iddia edib və bunu "strateji məğlubiyyətin göstəricisi” kimi qiymətləndirib.
