İraq administrasiyası düz 26 il sonra, 2024-cü ilin noyabrında vətəndaşlara "etnik mənsubiyyəti və məzhəbi" ilə bağlı suallar vermədən ümumi siyahıyaalma aparacaq.
AZXEBER.COM xarici mətbuata istinadən xəbər verir ki, İraq hökuməti gələn ilki siyahıyaalmaya etnik mənsubiyyət və məzhəblə bağlı suallardaxil etməyəcək. Hökumətin bu addımı atmaqda məqsədi müxtəlif komponentlərdən ibarət cəmiyyətdə parçalanmaya səbəb olmamaqdır.
İraq Planlaşdırma Nazirliyinin sözçüsü Əbdüzzəhra əl-Hindavi verdiyi açıqlamada ilk dəfə elektron şəkildə keçirilməsi planlaşdırılan siyahıyaalmaya texniki hazırlıqlar, siyahıyaalmada soruşulacaq suallar, rəftarla bağlı qiymətləndirmələr edib.
Bəzi səbəblərdən uzun illərdir həyata keçirilə bilməyən siyahıyaalmanın rəsmi məlumatlara çatmaqda böyük çətinliklər yaratdığını deyən Hindavi, son ümumi əhalinin siyahıyaalınmasının 26 il əvvəl keçirildiyinə diqqət çəkib.
20 Noyabr 2024-cü il yeni siyahıyaalma tarixi kimi qeyd olunub. 2 gün davam edəcək siyahıyaalma prosesində tətil elan olunacaq.
Elektron şəkildə həyata keçiriləcək siyahıyaalmada vətəndaşlara təxminən 70 sual veriləcək. Suallar sağlamlıq, təhsil, məşğuliyyət və xidmət statusu ilə bağlı suallarla yanaşı, yaşadıqları evlərin öz mülkiyyətində və ya kirayədə olub-olmaması mövzusunda olacaq.
Günel
