Rəsmi İrəvan Rusiya ilə təhlükəsizlik sahəsində əməkdaşlığın dərinləşdirilməsini özü üçün prioritet sayır:
"Sputnik” xəbər verir ki, bunu Ermənistanın Baş naziri vəzifəsini icra edən Nikol Paşinyan bəyan edib.
O bildirib ki, ölkə hökuməti sərhəd problemi ilə bağlı rusiyalı tərəfdaşları ilə hər gün əlaqə saxlayır.
Paşinyanın sözlərinə görə, Moskva və İrəvan ATƏT-in Minsk qrupu həmsədrləri tərəfindən irəli sürülmüş təklifləri həyata keçirmək üçün çalışır. Sözügedən təkliflərə əsasən, hər iki tərəfdən silahlı qüvvələrin sərhəd bölgəsində geri çəkilməsindən sonra həmin ərazidə Rusiya və Minsk qrupunun digər həmsədr dövlətlərinin nümayəndələrindən ibarət beynəlxalq müşahidəçilər qrupu yerləşdirilicək. Daha sonra isə onların nəzarəti altında sərhədlərin delimitasiya və demarkasiyası prosesi başlanacaq.
