Numeroloqların fikrincə, iş masasının üzərində düzgün seçilmiş talisman uğur və müsbət enerji cəlb edə bilər. Onların iddiasına görə, hansı əşyanın uyğun olması insanın doğum tarixindən asılıdır.
AZXEBER.COM Demokrat.az-a istinadən xəbər verir ki, bu barədə "Times of India” yazır.
1, 10, 19 və 28-ci günlərdə doğulanlar
İdarəedici planet: Günəş
Təbiətən iddialı və lider ruhlu insanlar hesab olunurlar. Numeroloqlar iş masasına yeddi atın təsviri olan rəsm və ya heykəlcik qoymağı tövsiyə edirlər. Bunun karyera məqsədlərinə çatmağa kömək edəcəyi bildirilir.
2, 11, 20 və 29-cu günlərdə doğulanlar
İdarəedici planet: Ay
İntuitiv və həssas xarakterə malik olduqları qeyd olunur. Kristaldan hazırlanmış tısbağa fiqurunun daxili tarazlığı qorumağa və motivasiyanı artırmağa kömək edəcəyinə inanılır.
3, 12, 21 və 30-cu günlərdə doğulanlar
İdarəedici planet: Yupiter
Nikbin və mənəviyyata önəm verən insanlar hesab olunurlar. Gülən Budda heykəlciyinin ətraf mühitə müsbət enerji gətirdiyi iddia edilir.
4, 13, 22 və 31-ci günlərdə doğulanlar
İdarəedici planet: Rahu
Sabitliyə can atan insanlar üçün gümüş fil heykəlciyi tövsiyə olunur. Numeroloqların fikrincə, bu talismanın maliyyə maneələrini aradan qaldırmağa və özünəinamı artırmağa kömək etdiyi bildirilir.
5, 14 və 23-cü günlərdə doğulanlar
İdarəedici planet: Merkuri
Ünsiyyətcil və öyrənməyə maraqlı insanlar hesab edilirlər. İş masasında dibçəkdə pul ağacı kimi tanınan "Potos” ("Epipremnum”) bitkisinin saxlanmasının maliyyə sabitliyini cəlb etdiyi bildirilir.
6, 15 və 24-cü günlərdə doğulanlar
İdarəedici planet: Venera
Qayğıkeş və məsuliyyətli olduqları qeyd olunur. Çəhrayı kvars daşının həmkarlar və rəhbərliklə münasibətlərdə harmoniyanı qorumağa kömək etdiyinə inanılır.
7, 16 və 25-ci günlərdə doğulanlar
İdarəedici planet: Ketu
Özünü təhlil etməyə və mənəvi axtarışlara meylli insanlar hesab olunurlar. Ənənəyə görə, Qaneşa heykəlciyinin müdriklik bəxş etdiyi və qarşıya çıxan maneələri aradan qaldırdığına inanılır.
8, 17 və 26-cı günlərdə doğulanlar
İdarəedici planet: Saturn
İntizamlı və iradəli xarakterə malik olduqları bildirilir. Numeroloqlar masanın üzərində piramida fiqurunun saxlanmasının maliyyə vəziyyətini möhkəmləndirdiyini və məqsədlərə çatmağa kömək etdiyini iddia edirlər.
9, 18 və 27-ci günlərdə doğulanlar
İdarəedici planet: Mars
Enerjili və məqsədyönlü insanlar hesab olunurlar. Şərq ənənəsində bolluq rəmzi sayılan üçayaqlı qurbağa fiqurunun uğur gətirdiyinə və maliyyə itkilərindən qoruduğuna inanılır.
