İsa Qəmbər hər şeyi bilirdi, sadəcə ona yaxşı pul verirdilər”
2013-cü ilin 16 oktyabr hadisələrindən 15 il ötür. 15 il öncə paytaxtın mərkəzində qanunsuz aksiya keçirən prezidentliyə keçmiş namizəd İsa Qəmbərin tərəfdarları hüquq-mühafizə orqanlarının əməkdaşları ilə qarşıdurmaya gedərək, müxtəlif təxribatlar törədib. Qanunsuz aksiyanın təşkilatçısı İsa Qəmbərin şəxsən qatılmadığı aksiya zamanı 1 nəfər ölüb, xeyli sayda insan yaralanıb. Onların arasında dinc sakinlər və hüquq-mühafizə orqanlarının əməkdaşları da olub.
AZXEBER.COM bu hadisələrin ildönümü ərəfəsində "Səs” qəzetinin baş redaktoru Bəhruz Quliyev və politoloq Zərdüşt Əlizadəni danışdırıb.
Portalımıza açıqlamasında "Səs” qəzetinin baş redaktoru Bəhruz Quliyev bildirib ki, o zamankı aksiya vahid mərkəzdən idarə olunub:
"Bilirsiniz ki, Azərbaycan regionda ən önəmli dövlətlərdən biridir. Bunu beynəlxalq miqyasda da etiraf edirlər. Bu səbəbdən ölkəmizi sevməyən qüvvələr vaxtaşırı olaraq daxildəki təxribatçıların əli ilə müxtəlif çirkin ssenarilər həyata keçirir, sabitliyi pozmağa çalışırlar. Bu müxtəlif dönəmlərdə olub. 1993, 1994, 1995 və 2003-cü illərdə baş verənlər bunun bariz nümunəsidir. Son dövrlər də belə cəhdlər olub. Heç şübhəsiz İsa Qəmbərin rəhbərliyi altında təxribatçı qruplar, onlardan bəziləri şirnikləndirici vədlər qarşılığında bu aksiyaya qatılmışdılar, ölkəmizdə daxili sabitliyi pozmağa cəhd etdilər. İsa Qəmbər bilirdi ki, o hakimiyyətə gələ bilməyəcək. Buna baxmayaraq, xaricdən daha artıq pul qoparmaq üçün öz tərəfdarlarından istifadə edirdi. Daha doğrusu onlara qrant gözü ilə baxırdı. O hadisələrin fəal iştirakçısı İqbal Ağazadə bu gün deyirsə ki, Arif Hacılı arvad paltarında pul daşıyırdı, bu artıq həmin hadisələrə güzgü kimi aydınlıq gətirir”.
Politoloq Zərdüşt Əlizadə də hesab edir ki, İsa Qəmbər qətiyyətsiz adamdır:
"O seçkiöncəsi müxtəlif yalançı vədlər verirdi. Adama sual verərlər ki, sən hakimiyyətdə olduğun illərdə nə iş görmüsən? Bir ili hakimiyyəti qoruya bilmədiniz. Təbii ki, onun bu vədinə aldananlar oldu. Hesab edirəm ki, İsa Qəmbər yekun nəticəni öncədən bilir və hesablayırdı. Görünür hansısa maraqlara görə, tərəfdarlarını meydana çağırdı. Özü isə gəlmədi, çünki qətiyyətsiz adamdır”.
Azər Niftiyev,
AZXEBER.COM
