Xəbər verdiyimiz kimi, Hava Nəqliyyatında Baş Gömrük İdarəsinin rəisi, gömrük xidməti polkovniki Mehman Sadıqov vəzifəsindən azad edilib.
Məlumata görə, bununla bağlı komitə sədrinin birinci müavini, sədr vəzifəsini müvəqqəti icra edən gömrük xidməti general-leytenantı Şahin Bağırov əmr imzalayıb. Hələlik Mehman Sadıqovun yerinə təyinat yoxdur.
AZXEBER.COM-un məlumatına görə, Mehman Sadıqov Komitənin sabiq sədri Səfər Mehdiyevin əmri ilə bu ilin yanvar ayında Hava Nəqliyyatında Baş Gömrük İdarəsinin rəisi vəzifəsinə təyin edilmişdi. O, həmin vaxt gömrük xidməti polkovniki Bəhruz Quliyevin yerinə təyinat almışdı.
Mehman Sadıqov daha öncə Tovuz Gömrük İdarəsinin sədri və Cənub Ərazi Baş Gömrük İdarəsinin rəis müavini işləyib.
Aydın Nuri
