Meta-da çalışan mühəndis şirkətə qarşı iddia qaldıraraq işdən çıxarıldığını bildirib.
AZXEBER.COM xarici mətbuata istinadən xəbər verir ki, 2021-ci ildən Meta-nın maşın öyrənmə komandasında çalışan fələstinli mühəndis Ferras Hamad fevralda işdən çıxarıldığına görə iddia qaldırıb.
İddia ərizəsində Həməd Metanı fələstinlilərə qarşı sistematik qərəzli mövqe nümayiş etdirməkdə ittiham edib.
O bildirib ki, şirkət Qəzzada qohumlarının ölümünü xatırladan işçilərin daxili kommunikasiyalarını silib və onların Fələstin bayrağı emojilərindən istifadə etməsi ilə bağlı araşdırmalar aparır.
İddia edilir ki, Meta İsrail və ya Ukrayna bayraqlarının emojilərini paylaşan işçilər haqqında oxşar araşdırmalar apara bilməyib.
Meta Həmədin iddiaları ilə bağlı açıqlama verməyib.
Həmədin iddiaları, İsrail və Fələstin əraziləri ilə bağlı platformalarında yayımlanan məzmunun moderatorluğunda Metanın fəaliyyəti ilə bağlı insan haqları qruplarının uzun müddətdir davam edən tənqidlərini əks etdirir.
Bu tənqidlər 2021-ci ildə şirkət tərəfindən sifariş edilən xarici araşdırmada da ifadə edilib.
Qeyd edək ki, Meta-nın 200-ə yaxın əməkdaşı bu ilin əvvəlində Mark Zukerberq və digər liderlərə açıq məktubda oxşar narahatlıqlarını ifadə edib.
Mikayıl
