“İslahatçı Gənclər” İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə “Milli- mənəvi dəyərlərimiz və görkəmli şəxsiyyətlərimizin mətbuat və sosial şəbəkələrdə təbliği” layihəsini davam etdirir. Birliyin mətbuat katibliyinin məlumatına görə, layihə çərçivəsində jurnalistlər arasında yazı müsabiqəsinə start verilib.
Müsabiqə 20-27 iyun 2014-cü il tarixlərini əhatə edəcək. Jurnalistlər bu tarixlərdə milli-mənəvi dəyərlərimiz və tarixi şəxsiyyətlərimiz mövzusunda yazılarla çıxış edə bilərlər. Yazılar, ümumilikdə milli-mənəvi dəyərlər mövzusunu, onun müxtəlif istiqamətlərini, eyni zamanda ayrı-ayrı görkəmli şəxsiyyətlərimizin həyat və faəliyyətini əhatə edə bilər. Müsabiqəyə təqdim olunan yazılarda tələb olunan meyarlar yazının mövzunu tam əhatə etməsi, faktlara söykənməsi və yazının ifadəliliyinin təmin olunmasıdır.
Müsabiqə üçün nəzərdə tutulan və internet portallarında dərc olunan yazıların linkləri, çap mediasında(qəzet-jurnal) dərc olunan yazıların isə skan olunmuş variantları müəllif haqqında qısa məlumat əlavə edilməklə 27 iyun saat 20.00-dən gec olmayaraq [email protected]/* */ ünvanına göndərilə bilər.Dərc olunan yazılarda “Yazı “İslahatçı Gənclər” İctimai Birliyinin Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə icra etdiyi “Milli- mənəvi dəyərlərimiz və görkəmli şəxsiyyətlərimizin mətbuat və sosial şəbəkələrdə təbliği” layihəsi çərçivəsində elan olunan müsabiqəyə təqdim olunur” qeydinin olması zəruridir.
Müsabiqənin yekununda ilk üç yeri tutan qaliblər diplom və hədiyyələrlə təltif olunacaq.
Müsabiqə ilə bağlı əlavə sualı olanların işçi qrupunun kordinatoru (070)522-75-00) ilə əlaqə saxlamaları xahiş olunur.
