Genişmiqyaslı elektrik kəsintisi Qərbi Avropanı iflic edib - İspaniya, Portuqaliya, Andorra və Fransanın bir hissəsi işıqsız, internetsiz qalıb, metro işləmir.
Bu barədə xarici KİV-lər məlumat yayıb.
Bildirilib ki, işıqforlar, tramvaylar, hava limanları fəaliyyətini dayandırıb.
"İspaniyada elektrik şəbəkələrinin bərpası 6-10 saat çəkəcək”, - "El País” qəzeti bildirir.
"Financial Times” qəzetinin məlumatına görə, genişmiqyaslı nasazlıqdan sonra ölkələrin enerji sistemləri 10 QVt-dan çox güc itirib. Nəşrin qiymətləndirməsinə görə, bu, Avropanın müasir tarixində ən böyük nasazlıqlardan biri olub - milyonlarla sakini əhatə edib.
İspaniya dövlət şəbəkə operatorunun ilkin versiyasına görə, elektrik kəsintisinin səbəbi enerji sistemində nasazlıq ola bilər. Madrid hava limanı və paytaxt metrosunun işində fasilələr müşahidə olunur.
///report
