İspaniya Ukraynaya rekord məbləğdə 1,129 milyard avro dəyərində hərbi yardım paketi təqdim edəcək.
Bu barədə "El Pais" qəzeti məlumat yayıb.
Bildirilib ki, mayın 27-də Ukrayna Prezidenti Volodimir Zelenski Madridə səfəri zamanı kral VI Filipp, eləcə də ölkənin Baş naziri Pedro Sançeslə görüşəcək. Tərəflər ikitərəfli təhlükəsizlik barədə saziş imzalayacaq.
Bura geniş çeşiddə hərbi texnikanın, o cümlədən "Patriot” raketlərinin yeni partiyasının, 19 "Leopard 2A4” tankının, eləcə də İspaniyada istehsal olunan çoxlu sayda materialların tədarükü daxildir.
Qeyd edək ki, V.Zelenski mayın 17-də İspaniyaya səfər etməyi planlaşdırırdı, lakin səfəri ləğv etmək məcburiyyətində qalıb.
