"İsrail ABŞ-dan İranın nüvə anlaşmasına qayıtmayacağı təqdirdə sanksiya tətbiq etməsini istəyir”.
AZXEBER.COM CNN-ə istinadən xəbər verir ki, bu sözləri İsrail hökumətindəki mənbə deyib.
"Haaretz” qəzetinə danışan adı açıqlanmayan İsrail səlahiyyətliləri ABŞ Milli Təhlükəsizlik müşaviri Jake Sullivan və israilli həmkarı Eyal Hulata ilə Vaşinqtonda bu gün keçirdikləri görüşü dəyərləndiriblər.
Rəsmilər İsrailin ABŞ-dan nüvə anlaşmasını imzalamadığı təqdirdə İrana "ağrılı” sanksiyalar tətbiq etməsini istədiyini bildiriblər.
Qeyd edilib ki, Sullivan-Hulata görüşü ABŞ və İsrailə kəşfiyyat və Tehran nüvə proqramının nə qədər irəlilədiyinə dair ilkin qiymətləndirmə hazırlamağa imkan verəcək.
Onu da qeyd edək ki, İran ilə ABŞ, Rusiya, Fransa, İngiltərə, Çin və Almaniya arasında 2015-ci ildə P5+1 adlandırılan nüvə müqaviləsi imzalansa da, ABŞ-ın keçmiş prezidenti Donald Tramp 2018-ci ildə bu müqavilədən imtina edib.
