İsrail ordusu səhər saatlarında Livanın paytaxtı Beyrutun cənubundakı Dahiye bölgəsinə hava hücumu təşkil edib.
AZXEBER.COM xarici mətbuata istinadən xəbər verir ki, Livanın rəsmi agentliyi NNA-nın xəbərinə görə, hücum zamanı Dahiyənin Şiyə bölgəsində 4 mərtəbəli bina hədəf alınıb.
İsrail ordusunun silahlı pilotsuz uçuş aparatı (PUA) ilə həyata keçirdiyi hücumdan sonra 4 mərtəbəli binanın uçduğu və çoxlu sayda insanın orta dərəcədə yaralandığı bildirilib.
İsrailin heç bir xəbərdarlıq edilmədən hücum etdiyi bölgədə axtarış-xilasetmə işləri tamamlanıb.
Qeyd edək ki, İsrail son iki gündə Beyrutun şəhər mərkəzində mülki şəxslərin yerləşdiyi üç fərqli bölgəyə heç bir təxliyyə xəbərdarlığı etmədən hava hücumu təşkil etmişdi.
Ras en-Neba, Mar İlyas və Əl-Balat küçələrinə edilən hücumlarda çox sayda insan həyatını itirib.
Gülay
