İsrail HƏMAS ilə əldə olunan razılaşma çərçivəsində Qəzza zolağındakı ilk israilli əsirlərin saat 10:00-dan etibarən azad ediləcəyini açıqlayıb.
AZXEBER.COM xarici mediaya istinadən xəbər verir ki, İsrail dövlət televiziyası KAN-ın xəbərində yüksək rütbəli bir İsrail rəsmisinə əsaslanaraq, HƏMAS ilə əldə edilən razılaşmaya görə, İsrailin azad ediləcək əsirlərinin adlarını Beynəlxalq Qırmızı Xaç Komitəsi vasitəsilə alacağı bildirilib.
Bunun müqabilində İsrailin azad edəcəyi fələstinli əsirlərin adlarını BQXK-ya təhvil verəcəyi bildirilir.
Bu səhər sərbəst buraxılması gözlənilən israilli əsirlərin ailələrinə məlumat verilməyəcəyi, əsir götürülənlərin xəstəxanada sağlamlıq yoxlamaları tamamlandıqdan sonra ailələri ilə görüşəcəyi bildirilib.
Xəbərdə daha çox israilli əsirin azad edilməsini təmin etmək üçün humanitar fasilənin 4 günün sonunda uzadılmasının nəzərdə tutulduğu da deyilib.
Ayşən
