Sosial şəbəkələrdə İsrail əsgərinin əli gipsdə olan fələstinli uşağa qarşı rəftarını ortaya qoyan video yayılıb.
İnternetdə yayılan bu video avqust ayının 27-də Fələstinin Ramallah şəhəri yaxınlığındakı Nəbi Saleh qəsəbəsində qeydə alınıb.
Qəsəbənin bir qrup sakini İsrail hökumətinin Fələstin torpaqlarını qanunsuz olaraq mənimsəməsinə qarşı aksiya keçirib.
Aksiya zaman israilli hərbçilərlə aksiya iştirakçıları arasında qarşıdurma yaranıb. Yerli sakinlər əsgərləri daşa basıblar.
İsrailin mətbuat katibi isə həmin əli gipsdə olan uşağın əsgərlərə daş atdığı üçün saxlanıldığını açıqlayıb.
Daha sonra aksiya iştirakçıları uşağı əsgərin əlindən almağa nail olublar.
