İsrail ordusunun Qəzza zolağının müxtəlif bölgələrinə təşkil etdiyi hücumlarda aralarında çoxlu qadın və uşaqların da olduğu 45 fələstinli həyatını itirib.
AZXEBER.COM Türkiyə mətbuatına istinadən xəbər verir ki, bu barədə Fələstin Səhiyyə Nazirliyi məlumat yayıb.
Əldə edilən məlumata görə, İsrail ordusu gecə boyu Qəzzada məcburi köçkün fələstinlilərin evlərini, çadırlarını və mülki əhalinin toplaşdığı yerləri bombalayıb.
İsrailin hücumlarında əksəriyyəti qadın və uşaq olmaqla 45 fələstinli həyatını itirib, çoxunun vəziyyəti ağır olmaqla ən azı 60 nəfər yaralanıb.
İsrail ordusu Qəzzanın Xan Yunis şəhərində bir neçə evi bombalayıb.
Xan Yunisdə həyatını itirən ən azı 27 nəfərin və yaralıların cəsədi şəhərdəki Nasser xəstəxanasına gətirilib.
İsrail ordusu Xan Yunus şəhərinin şərqində yerləşən Əbu Heddaf bölgəsini də bombalayıb.
Oksana
