İsrail 7 oktyabr hadisəsini araşdıran Birləşmiş Millətlər Təşkilatının rəsmiləri ilə həkimlərinin görüşməsinə mane olmağa çalışır.
AZXEBER.COM xarici mediaya istinadən xəbər verir ki, "Times of Israel” qəzetinin yazdığına görə, Səhiyyə Nazirliyi tibb işçilərinin 7 oktyabr hadisələrini araşdıran BMT rəsmiləri ilə görüşlərini onların "anti-İsrail baxışları” olduğunu əsas gətirərək qadağan edib.
BMT-nin İnsan Haqları Şurasının yaratdığı təhqiqat komitəsi son həftələrdə 7 oktyabr hadisələrinin şahidi olan İsrail həkimləri və digər səhiyyə rəsmiləri ilə əlaqə saxlamağa çalışıb.
İstintaq komitəsi hadisələr başlayandan bəri beynəlxalq və gender əsaslı cinayətləri araşdırır və səhiyyə rəsmiləri ilə müsahibə apararaq məlumat axtarır.
Xəbərə görə, İsrail dövlət televiziyası "KAN” Ədliyyə Nazirliyinin hüquq idarəsinin Səhiyyə Nazirliyinin rəsmilərinə göstəriş verdiyini və səhiyyə işçilərindən BMT-nin istintaq komissiyası ilə danışmamağı xahiş etdiyini bildirib.
Ayşən
