İsrail Müdafiə Qüvvələri Hizbullaha məxsus texnika və silahları nümayiş etdirib.
AZXEBER.COM xarici mətbuata istinadən xəbər verir ki, Livanla atəşkəsin elan edildiyindən bəri atəşkəsin pozulması nəticəsində 33 nəfər ölüb, 37 nəfər yaralanıb.
Məlumata görə, İsrail ordusu Livanın şərqində Baalbek, cənubda Nəbatiyyədə Bint Cibeyl və müxtəlif bölgələri bombalamaq, evləri yandırmaq, döyüş təyyarələri və pilotsuz təyyarələr uçurmaq, atəş açmaq kimi pozuntulara yol verib.
İsrail döyüş təyyarələri Livanın şərqindəki Baalbek bölgəsindəki Tariya qəsəbə düzündə bir evi hədəfə alıb, lakin ölən və ya yaralananların olmadığı bildirilir.
Ordu həmçinin ələ keçirilən 20 Hizbullah avtomobili, 60 800 elektron avadanlıq, rabitə vasitələri, kompüterlər, sənədlər və 300 müşahidə avadanlığı sərgiləyib.
Qeyd edək ki, Livan və İsrail arasında əldə olunan atəşkəs razılaşması noyabrın 27-də qüvvəyə minib.
Mikayıl
