Xəbər verdiyimiz kimi, dünən müharibənin ikinci cəbhəsi olduğu deyilən Livan sərhədində bir İsrail əsgəri həlak olub.
AZXEBER.COM xarici mediaya istinadən xəbər verir ki, Livanın cənubundan atılan tank əleyhinə atəş nəticəsində İsrail ordusunda xidmət edən ehtiyatda olan 1 əsgər həyatını itirib, 3 əsgər isə yaralanıb.
İsrailin tanınmış televiziya kanalı "i24NEWS" Livanın sərhədindəki son vəziyyəti belə şərh edib:
"Şimal sərhədi hər an bu müharibədə yeni cəbhəyə çevrilə bilər".
Hizbullah hücuma səssiz qalmayıb və əks hücum əməliyyatı keçirərək İsrailə zərbələr endirib.
İsrail ordusu sözçüsü tərəfindən bu səhər verilən açıqlamada hücuma cavab olaraq İsrail təyyarələrinin Hizbullahın hərbi hədəflərini vurduğu bildirilib.
Qəzzada quru əməliyyatı zamanı İsrailin Livandan Hizbullahın ölkəyə müharibə elan etməsindən qorxması xəbəri daha əvvəl İsrail mətbuatında yer almışdı. 2006-cı ildə Hizbullahla başlayan müharibədə İsrail Livan sərhədindəki bölgələrdən geri çəkilməli oldu və nəticə "Hizbullahın qələbəsi" olaraq xarakterizə edilib.
Mikayıl
