İsrailin Qəzzaya hücumlarında itkilərin sayı sürətlə artır.
AZXEBER.COM xarici mətbuata istinadən xəbər verir ki, üçüncü həftəsinə qədəm qoyan Fələstin-İsrail müharibəsində Qəzzaya edilən hücumlar bütün dünyada narahatlıq doğursa da, müharibənin bölgəyə sıçrama ehtimalı ilə bağlı narahatlıqlar qalmaqdadır.
Livan sərhədində toqquşmaların intensivləşməsi narahatlıq doğuran "yeni cəbhə” ehtimalını gücləndirir.
İsrail mətbuatının yazdığı xəbərə görə, ordu Qəzzada quru əməliyyatı üçün hazırlıqlarını davam etdirir.
Livan sərhədində isə İsraillə Hizbullah arasında qarşıdurmalar şiddətlənir.
Belə ki, oktyabrın 8-dən etibarən Livan sərhəddindəki hücumlarda həlak olan İsrail əsgərlərinin sayı 3-ə yüksəlib. Hücumlarda 12 Hizbullah üzvü həyatını itirib.
İsrail televiziyası i24NEWS Livan sərhədindəki son vəziyyəti belə şərh edib: "Şimal sərhədi hər an bu müharibədə yeni cəbhəyə çevrilə bilər".
Günel
