İsrail Qəzzada və Nusayrat Qaçqınlar Düşərgəsində mülki evləri hədəfə alaraq 6 fələstinlini öldürüb, xeyli sayda insanı yaralayıb.
AZXEBER.COM xarici KİV-ə istinadən xəbər verir ki, bu barədə Qəzza Mülki Müdafiə Müdirliyindən açıqlama verilib.
Qeyd olunub ki, İsrail döyüş təyyarələri Qəzzanın qərbindəki Əl-Şati Qaçqınlar Düşərgəsinə hücum edib.
Hücum nəticəsində 4 fələstinli ölüb, çoxlu sayda insan yaralanıb.
Səhiyyə mənbələri İsrail döyüş təyyarələrinin Qəzzanın mərkəzindəki Nusayrat Qaçqınlar Düşərgəsindəki Abid ailəsinin evini də hədəf aldığını, hücumda 2 fələstinlinin öldüyünü bildirib.
Onu da əlavə edək ki, təyyarənin köçkünlərin sığındığı çadırı bombalaması nəticəsində 1 fələstinli yaralanıb.
Mikayıl
