İsrailin Qəzzanın cənubunda mülki əhalinin sığındığı düşərgəni hədəf alması nəticəsində 29 nəfər həyatını itirib, onlarla insan yaralanıb.
AZXEBER.COM xarici mətbuata istinadən xəbər verir ki, bu barədə Qəzza rəsmiləri məlumat yayıb.
Bölgədəki sağlamlıq mərkəzlərindən alınan görüntülərdə yerdə uzanan ağır yaralananlar arasında uşaqların da olduğu görünüb.
Təxminən 2,3 milyon insanın yaşadığı Qəzzada məcburi köç Fələstin həyatının bir hissəsinə çevrilib. Qəzzada 2 milyona yaxın fələstinli 7 oktyabr 2023-cü ildə hücumlar başlayandan bəri məcburi köçkün vəziyyətinə düşüb.
Milyonlarla fələstinli İsrail ordusunun hücumları səbəbindən dəfələrlə köç etmək məcburiyyətində qalıb.
Hücumlardan qaçaraq Qəzzanın cənubundakı Xan Yunus və Rəfaha sığınan fələstinliləri dəfələrlə yerindən-yurdundan didərgin salan İsrail bölgə xalqını məcburi köçə sürükləməyə davam edir.
