İsrail ordusunun geri çəkildiyi Xan Yunusda 42 fələstinlinin cəsədi tapılıb.
AZXEBER.COM xarici mediaya istinadən xəbər verir ki, bu barədə Qəzzadakı hökumətin Media Ofisinin direktoru İsmayıl Sevabite məlumat verib.
Bölgədə vəziyyətin çox ağır olduğunu bildirən Sevabite dağıntılar altında axtarış işlərinin davam etdiyini və ölənlərin sayının artacağından narahat olduqlarını qeyd edib.
Xan Yunusda böyük dağıntı olduğunu deyən Sevabite bölgədə yüzlərlə yaşayış yerinin, ümumi uzunluğu 35 kilometr olan prospekt və xiyabanların, qəbiristanlıqların alt-üst edildiyini bildirib.
Bununla belə, qeyd olunub ki, İsrail qüvvələri Xan Yunusun şərqindən geri çəkilsələr də, şəhərin cənubunda irəliləməyə davam ediblər.
