İsrail hökuməti Qəzzaya hücumları yaxından izləyən Əl-Cəzirə televiziyasının bağlanmasına icazə verən qərarı təsdiqləyib.
AZXEBER.COM xəbər verir ki, İsrail hökuməti Qətərdə yerləşən Əl-Cəzirə televiziyasının İsraildəki ofisinin bağlanmasına icazə verən qərarı təsdiqləyib.
İsrailin "KAN” dövlət televiziyasının xəbərində bildirilib ki, hökumət "dövlət təhlükəsizliyinə təhdid yaradan” televiziya kanallarının bağlanmasına icazə verən qaydaları təsdiqləyib. Qərara uyğun olaraq İsraildəki Əl-Cəzirə ofislərinin bağlanmasının və avadanlıqlarının müsadirə edilməsinin mümkün olduğu bildirilib.
Xəbərdə İsrail rəsmilərinin Əl-Cəzirə telekanalının yayımlarının İsrail əsgərləri və vətəndaşları üçün təhlükə yaratdığını müdafiə etdiyi bildirilib.
İsrail hökumətinin qərarı ilə bağlı Əl-Cəzirə televiziyasından heç bir açıqlama verilməyib.
Ayşən
