İsrail hökuməti vətəndaşlarına səyahət xəbərdarlığı edib və lazım olmadıqca xarici səyahətlərdən çəkinməyə çağırıb.
AZXEBER.COM xarici mediaya istinadən xəbər verir ki, bu barədə İsrail Milli Təhlükəsizlik Şurası yazılı açıqlama verib.
Açıqlamada İsrailin Qəzzaya hücumları səbəbiylə dünya miqyasında israillilərə və yəhudilərə qarşı zorakılıq və antisemitizmin artdığı bildirilib və israillilərdən səfərləri zamanı ehtiyat tədbirlərini artırmaları istənilib.
Müvafiq olaraq, Böyük Britaniya, Fransa və Almaniya da daxil olmaqla Qərbi Avropanın bir çox ölkəsi, Argentina və Braziliya da daxil olmaqla Cənubi Amerikanın bəzi ölkələri, həmçinin Avstraliya və Rusiya üçün səyahət xəbərdarlığı səviyyəsi 2-yə yüksəldilib.
Bu ölkələrdəki İsrail vətəndaşlarına əlavə ehtiyat tədbirləri görmələri tövsiyə edilib.
Bundan əlavə, bəyanatda nümayiş və etirazlardan uzaq durmaq, ayıq olmaq və ətrafda baş verənlərə diqqət yetirmək tövsiyə edilib və israillilərə İsrail və yəhudi simvollarını açıq şəkildə nümayiş etdirməkdən çəkinmələri istənilib.
Mikayıl
