Rusiyalı sənətçilər İsrail və Fələstin arasında genişmiqyaslı müharibənin başlamasından sonra İsraildə keçirilməsi planlaşdırılan konsert proqramlarını təxirə salıb.
AZXEBER.COM xarici mediaya istinadən xəbər verir ki, "Women’s Stand-Up” şousunun yaradıcısı və komediya ustası İrina Myaqkova oktyabrın 13 və 14-də Hayfa və Təl-Əvivdə iki solo konsert verməli idi. Lakin o, İsraildə vəziyyətin gərginləşməsi ilə əlaqədar çıxışları ləğv etmək qərarına gəlib.
"Kasta" qrupunun oktyabrın 13-də Təl-Əvivdə "Redinq 3" konsert zalında çıxışı olacaqdı. Bilet satış saytında konsertin dekabr ayına təxirə salındığı bildirilir.
Bundan əlavə İsraildə yaşayan Şoumen Maksim Qalkin həyat yoldaşı Alla Puqaçova və uşaqları ilə birlikdə ölkəni tərk etməsi barədə yayılan məlumatları təkzib edib.
Komediyaçı ölkədə qaldığını və bacardığı qədər kömək etmək niyyətində olduğunu bildirib. O, hər kəsi yaralılara qan verməyə sələyib.
Xatırladaq ki, bir neçə gün öncə Alla Puqaçova, övladları Harri,Liza və həyat yoldaşı Maksim Qalkinlə İsrail hava limanında görüntülənmişdi.
Aysel
