İsrail ordusunun Qəzza zolağının müxtəlif bölgələrində həyata keçirdiyi hücumlarda daha 6 fələstinli həyatını itirib.
AZXEBER.COM xarici mətbuata istinadən xəbər verir ki, yerli mənbələrdən alınan məlumata görə, İsrail ordusu Qəzza zolağının şimalında Cibaliya bölgəsindəki Quteybə məscidi yaxınlığında toplaşan mülki insanları hədəf alıb.
Hücum nəticəsində bir nəfər ölüb, çoxlu sayda insan yaralanıb.
İsrailin Qəzza zolağının mərkəzi hissələrində yerləşən Bureyc Qaçqınlar Düşərgəsinə təşkil etdiyi hücumda biri uşaq olmaqla 3 fələstinli həyatını itirib.
İsrail ordusu Qəzza zolağının cənubundakı Xan Yunis şəhərinin şimal-şərqini və şimaldakı Əl-Karara qəsəbəsini bombalamağa davam edib.
Qəzza zolağının cənubundakı Rəfah şəhərinin şərqində yerləşən Xurbət əl-Ades bölgəsində İsrailin hücumlarından sonra həkim qrupları biri qadın olan iki fələstinlinin cəsədlərinə çatıb.
Gülay
