Zəlzələ üzrə yaponiyalı ekspert Yoşinori Morivaki vətəndaşlara İstanbul zəlzələsinə qarşı tədbir görmələri barədə xəbərdarlıq edib.
AZXEBER.COM xarici mediaya istinadən xəbər verir ki, Mərmərə dənizinin Gəmlik körfəzində episentri olan 2 gün əvvəl baş verən 5,1 bal gücündə zəlzələ böyük çaxnaşmaya səbəb olub.
Zəlzələ Bursa və İstanbul başda olmaqla bir çox şəhərdə hiss olunarkən vətəndaşlar qorxu ilə çöllərə axışıb.
Uzun müddət evlərinə girə bilməyən vətəndaşlar İstanbul zəlzələsi ilə bağlı hiss etdikləri qorxunu xatırlamağa başlayıblar.
Zəlzələdən sonra mütəxəssislərdən xəbərdarlıqlar artıb. Hansı vilayətlərdə zəlzələnin gözlənildiyinə toxunan Morivaki "Kipr, Hatay, Mersin və Antalyaya və dənizkənarı bölgələrə diqqət yetirin. Mərmərə, Egey və Aralıq dənizində sunami ola bilər. Ona görə də zəlzələdən sonra daha yüksəklərə çıxıb dənizdən uzaq olmaq lazımdır"-, deyə qeyd edib.
Nəzrin
