İstanbulda 15 satıcını döyən irlandiyalı turist Show Tv-yə müsahibə verib.
Turist bildirib ki, onun adı Muhammed Fadeldir və o, boksçu deyil, sadəcə mütəmadi olaraq idmanla məşğuldur.
Turist bildirib ki, onun qolu ciddi zədələnib: “Mən içkili deyildim. Satıcılar mənə hücum çəkdilər, elə bildilər ki, mən qorxacam. Onların əllərinə nə keçirdisə onunla məni vururdular”.
Xatırladaq ki, bir neçə gün öncə sosial şəbəkələrdə irlandiyalı turistin 15 türk satıcını döydüyünə dair görüntülər yayılmışdı. Hadisəyə səbəb irlandiyalı turistin mağazaya girəndə təsadüfən rəfə toxunaraq bir neçə su şüşəsini yerə salması olub. Bu, satıcını qəzəbləndirib və o, turistə yumruqla hücum edib. Turistə hücum edənlər arasında təxminən 15 satıcı olub.
Hücum edənlər qarşılarında döyüş qaydalarından xəbərdar olan birinin durduğunu anlayıblar. Tacirlərdən biri irlandiyalını plastmas stul ilə vurmaq istəyib. Amma o, bu rəqibin də öhdəsindən uğurla gəlib və davanı davam etdirməyə hazır olsa da sonradan sakitləşib.
