İtaliyada Heydər Əliyevin xatirəsinə həsr edilmiş fortepiano konserti oldu
MARAQLI
10:54 13.12.2011
2596
İtaliyanın Modena şəhərində müasir müstəqil Azərbaycan dövlətinin memarı və qurucusu, ümummilli lider Heydər Əliyevin xatirəsinə həsr edilmiş fortepiano konserti olmuşdur.Azərbaycanın İtaliyadakı səfirliyinin təşəbbüsü ilə təşkil olunmuş konsertdə bu ölkədə yaşayan gənc azərbaycanlı pianoçu və bəstəkarKamalə Əlizadə, italiyalı caz gitaraçısıStefano Muskaritolovə Modena konservatoriyasının tələbələri Azərbaycan, İtaliya və digər Avropa bəstəkarlarının əsərlərindən ibarət proqramla çıxış etmişlər.Azərbaycanın İtaliyadakı səfirliyindən AzərTAc-a bildirmişlər ki, konsertdən əvvəl çıxış edən Modena şəhəri merinin müaviniQrasiano Pinixalqlarımız arasında dostluq münasibətlərinin dərinləşməsi üçün mədəniyyət sahəsində əməkdaşlığın əhəmiyyətini vurğulamış və konsertin təşkilinə görə Azərbaycan tərəfinə təşəkkürünü bildirmişdir.Azərbaycanın İtaliyadakı səfiriVaqif Sadıqovümummilli lider Heydər Əliyevin ölkəmizi üzləşdiyi çətinliklərdən xilas etdiyini, həyata keçirdiyi uğurlu daxili və xarici siyasət nəticəsində müasir Azərbaycanın regional səviyyədə siyasi və iqtisadi baxımdan aparıcı dövlətə çevrildiyini diqqətə çatdırmış, İtaliya ilə Azərbaycan arasında mövcud əlaqələrin bütün sahələrdə yüksələn xətlə inkişaf etdiyini qeyd etmişdir.Konsert proqramı və italyan dilində nəşr olunmuş Azərbaycan haqqında jurnal və kitablar qonaqların böyük marağına səbəb olmuşdur.
