İtaliyada son sutka ərzində 431 nəfər yeni növ koronavirus infeksiyasından ölüb, bu isə martın 19-dan bəri sutka ərzində ən az göstəricidir. Ölkə üzrə ümumilikdə bu virusdan ölənlərin sayı isə 20 minə yaxınlaşır.
Bu barədə ölkənin Mülki Müdafiə Departamenti məlumat yayıb.
Bildirilir ki, son 24 saatda İtaliyada daha 4092 nəfər koronavirusa yoluxub, bununla da bu günədək virusa yoluxanların sayı 156 363 nəfərə çatıb. Ölkə üzrə COVID-19 virusundan ölənlərin sayı isə 19 899 nəfərdir.
///APA
