Bəzi yaşadığımız neqativ hadisələr toplaşıb nəticədə həyat eşqimizin sönməsinə və artıq heç nədən həzz almamağımıza səbəb olur.
AZXEBER.COM xəbər verir ki, məşhur türk psixoloqu Beyhan Budak yaşamımız boyu daha çox necə həzz ala biləcəyimiz barədə bəzi məsləhətlər verib:
"Bunu fərqinə varmışam ki, əslində yaşama sevincinin olmadığını iddia edən pasientlərimin bir çoxunun həyatında əslində xoşbəxtliyi təmin edə biləcək bütün faktorlar var. Bəs necə olur ki, əlimizdə bütün ərzaqların olmasına rəğmən tortu hazırlayıb yeyə bilmirik?
Kiçik bir nüans var ki, bir çoxumuz hansısa bir yola başlayanda motivasiya və arzularla başlasaq da, yolun ortasında bəzi reallıqlarla üzləşirik. Düşünürük ki, mən bir yola çıxıramsa bunun mənə mütləq şəkildə faydası olmalıdır. Məsələn, əgər bir kitab oxumağa başlayıramsa mütləq bu mənə nəsə qazandırmalıldır və ya hansısa dostumla görüşürəmsə mütləq onunla faydalı bir mövzuda danışmalıyam. Belə düşündüyümüz halda bir müddət sonra insanda robotlaşma gedir. Sadəcə etməyin gərəkli olduğu şeyləri etməyə başlayırsan. Bəs sənin etmək məcburiyyətində olmadığın, sadəcə onu etməyin sənə həzz verdiyi şeylər haqqında düşünmüsən mi heç? Məsəl üçün, uzun yürüyüşlərə çıxmaq, saatlarla yağışa baxıb mahnıya qulaq asmaq və ya hansısa dostunla dəlicəsinə əylənmək haqqında düşünmüsən mi? Yəni bir şey sənə fayda verməsə belə sırf sənə həzz verdiyi üçün bu şeyləri etmək həyat eşqinin artması ilə nəticələnə bilər.Bəzən bir günəş şüasının üzünə vurması sənin hələ də yaşadığını ifadə edəcək.
İndi ki zamanda hər kəsin bir xəstəliyi var. Hər kəs özünü çox dəyərli və özəl hiss edir. Əlbəttə hər kəs özəldir. Ancaq belə özəl hiss etmək bəzən narsistliklə nəticələnə bilər. O tip insanlar həyatın qanunlarına qarşı qayğısız yaşamağı seçirlər. Ancaq o tip insanlar hər birimizin dünyanın bir parçası olduğumuzu qəbul etsələr və həyatın axınına qarşı gəlməsələr xoşbəxtlikləri daha uzun müddətli olar. Nəticə etibarilə, sadə bir insan olduğumuzu və təbiətin bir parçası olduğumuzu qəbul etmək xoşbəxtliyə doğru atdığımız bir addımdır.
Biz bir qarışqadan, yarpaqdan, 1 ovuc torpaqdan fərqli deyilik. Bir bütünün bir zərrəsiyik. Bunu dərk etdikdən sonra qəbullanmaq və şükretmək insanı bir xeyli həyata bağlayır. Hər birimiz eyni zamanda həm özəlik, həm də özəl deyilik.
Yaşama sevincini artıran digər amillərdən biri də daha çox təcrübə etməkdir. Bəlkə təcrübə etdiyin şeylərin bir çoxu gələcəkdə sənə heç bir qatqı verməyəcək və həyatından çıxacaq. Amma ən azından bununla belə sənə nəyin həzz verdiyini öyrənmiş olacaqsan.
Bir çox insanlar şaquli irəliləmənin tərəfdarıdır və ömürləri boyunca daha çox qazanmağın yollarını axtarırlar. Bəzən durmağı da bacarmaq lazımdır. Çünki göz ancaq zirvədə olduqda həmin an olduğun mövqenin həzzini almağı da unudursan. Ona görə də anın dadını çıxartmaq dah çox tövsiyyə olunur. İnkşaf etsəniz belə həzzini almağı da unutmayın”.
Oksana
