Jan-Klod Van Damm ilk dəfə uşaq alverinə görə ona qarşı irəli sürülən ittihamlara cavab verib.
AZXEBER.COM xarici mətbuata istinadən xəbər verir ki, 64 yaşlı aktyor 10 il əvvəl Kannda cinsi xidmət üçün beş azyaşlı qadınla münasibətdə olmaqda günahlandırılır.
İddialara görə, iş modellərin vətəndaşları olduğu Rumıniyanın hüquq-mühafizə orqanları tərəfindən araşdırılır.
Aktyorun vəkili yayımladığı açıqlamasında bildirib:
"Biz Kannda cənab Jan-Klod Van Dammın iştirakı ilə baş vermiş hadisədən bəhs edən məqalələrdən xəbərdarıq. Bu faktlar həqiqətə uyğun deyil. Cənab Van Damm əsassız olduğu qədər də absurd olan bu şayiəni şərh etmək və ya qəbullanmaq istəmir".
Xatırladaq ki, Van Damme qarşı iş Rumıniyanın Mütəşəkkil Cinayətkarlığın İstintaq İdarəsi tərəfindən 2020-ci ildə həbs edilmiş yerli iş adamı və model agentliyinin sahibi Morel Bolea-nın təqibi çərçivəsində araşdırılır. O, qadın modellərin, o cümlədən yetkinlik yaşına çatmayanların seks xidmətləri göstərmək üçün cəlb olunduğu cinayət şəbəkəsi yaratmaqda ittiham olunur.
Van Dammın adı isə şahidlərdən birinin onun əleyhinə ifadə verdikdən sonra gündəmə gəlib. Adı açıqlanmayan qız Morel Bolyanın rəhbərlik etdiyi insan alveri şəbəkəsinin qurbanı olduğunu və hadisə baş verən zaman azyaşlı olduğunu bildirib.
Aysel
