Jirinovski bu sözlərə görə məhkəməyə verildi - VİDEO

ANS PRESS-in məlumatına görə, bir neçə gün öncə Jirinovskinin təhqir etdiyi “Rossiya segodnya” telekanalının jurnalisti xəstəxanalıq olub. Hamilə jurnalistin vəziyyəti ağırlaşıb.Daha sonra “Rossiya segodnya” beynəlxalq informasiya agentliyinin rəhbərliyindən məsələ ilə əlaqədar olaraq açıqlama veriblər. Agentliyin baş direktoru Marqarita Simonyan bildirib Jirinovskinin barəsində qanunvericiliyin tələblərinə uyğun olaraq müvafiq tədbirlər görüləcək və onu məhkəməyə verəcəyik: "Dövlət Dumasında Vladimir Jirinovskinin etdiklərindən sonra bizim müxbirimiz xəstəxanalıq oldu. Biz bütün hüquq imkanlarımızdan istifadə edərək qanunvericiliyə uyğun olaraq Jirinovskini məhkəməyə verəcəyik".Bundan başqa, “Rossiya segodnya” beynəlxalq informasiya agentliyinin rəhbərliyi Vladimir Jirinovskini Dumanın iclaslarında işirak etmək hüququndan məhrum etmək üçün Dövlət Duması Komissiyasına rəsmi müraciət ünvanlayıblar.Qeyd edək ki, bir neçə gün öncə Rusiya Liberal Demokrat Partiyasının lideri (LDPR) Vladimir Jirinovskinin təhqir etdiyi “Rossiya segodnya” telekanalının jurnalisti xəstəxanaya yerləşdirilib. Jurnalistin vəziyyəti ağırlaşıb. Həkimlərin müdaxiləsi nəticəsində jurnalistin vəziyyəti stabilləşib.Xatırladaq ki, LDPR sədri Vladimir Jirinovski “Rossiya segodnya” telekanalının əməkdaşını təhqir etmişdi. Belə ki, Jirinovski parlament müxbirlərinin suallarını cavablandırarkən qəfildən əsəbiləşib. Xanım jurnalistlərdən biri Vladimir Jirinovskiyə "Rus kişisinin Ukraynaya girişinin qadağan olması ilə bağlı Rusiyanın Ukraynaya sanksiya tətbiq etməlidirmi?" sualını verib. Bundan bərk əsəbiləşən Jirinovski jurnalist qadını təhqir etməyə başlayıb. Bundan sonra Jirinovski partiyasından olan bir neçə kişini jurnalist qadınların üstünə itələyərək onları zorlamalarını istəyib. “Rossiya segodnya” telekanalının əməkdaşı hamilə olduğunu söyləsə də, Jirinovski onu da təhqir etməkdən çəkinməyib.