"Milan"ın və Fransa yığmasının hücumçusu Olivye Jiru bu yay Avropa futbolunu tərk edə bilər.
AZXEBER.COM lent.az-a istinadən xəbər verir ki, bu barədə " The Athletic" xəbər verir.
Mənbənin məlumatına görə, 37 yaşlı futbolçu MLS-in "Los-Anceles" klubu tərəfindən nəzərdən keçirilir. Bu komandada Jirunun Fransa millisindəki keçmiş partnyoru, qapıçı Uqo Lloris çıxış edir. Amma hələlik transferlə bağlı heç bir razılaşma yoxdur.
Jiru İtaliya klubuna 2021-ci ildə "Çelsi"dən keçib. Jiru bu mövsüm "Milan"ın heyətində 36 oyunda 14 qol vurub və 9 məhsuldar ötürmə edib.
Fransa millisinin heyətində Jiru 2018-ci ildə dünya çempionu olub.
