Rusiyanın Kostroma şəhərində kafedə baş verən yanğın nəticəsində azı 5 nəfər xəsarət alıb, 13 nəfər ölüb.
AZXEBER.COM xarici mediaya istinadən xəbər verir ki, səhərdən gələn görüntülərdə alovların geniş əraziyə yayıldığı və çoxlu yanğınsöndürənlərin müdaxilə etdiyi görülüb.
RİA Novosti agentliyi dünən gecə Rusiyanın Kostroma şəhərində kafedə baş verən yanğında 13 nəfərin öldüyünü açıqlayıb.
Moskvadan təxminən 300 kilometr şimal-şərqdə yerləşən şəhərdəki kafedə 250 nəfərin təxliyə edildiyi açıqlanıb. Rusiya Fövqəladə Hallar Nazirliyinin paylaşdığı videoda alovların hər tərəfə yayıldığı və çoxlu yanğınsöndürənlərin yanğına müdaxilə etdiyi görünür. Qubernator Sergey Sitnikov alovların səhər saat 07.30-da söndürülə biləcəyini bildirərək, "Aldığımız ilkin məlumata görə, 13 nəfər həyatını itirib" dedi. Yanğın zamanı azı 5 nəfərin xəsarət aldığı, lakin vəziyyətlərinin yaxşı olduğu və xəstəxanaya aparılmağa ehtiyac olmadığı açıqlanıb. Yanğınsöndürmə idarəsindən verilən ilk açıqlamada yanğının gecə saat 02:00 radələrində gəldiyi və yanğının təxminən 3 min 500 kvadratmetr ərazini əhatə etdiyi bildirilib. Yanğına 20 yanğınsöndürən maşını və 50 canlı qüvvə ilə müdaxilə edilib. Bina uçmaq təhlükəsi ilə üz-üzə olduğundan Fövqəladə Hallar Nazirliyinin əməkdaşları işlərini böyük ehtiyatla yerinə yetiriblər. Bildirilib ki, "Poliqon” adlandırıldığı öyrənilən kafe ənənəvi yeməklərin təqdim olunduğu məşhur məkandır.
