JWST Kainatın ən ətraflı xəritəsini yaradıb.
AZXEBER.COM xarici mediaya istinadən xəbər verir ki, James Webb Kosmik Teleskopu (JWST) kainatın ən geniş və ətraflı xəritələrindən birini hazırlayıb. "COSMOS-Web” adlanan bu yeni xəritə 800 minə yaxın qalaktikanı əhatə edir və bu göstərici əvvəlki rekordçu Hubble Ultra Deep Field görüntüsünü də geridə qoyur.
Layihənin həmsədri, fizik Caitlin Casey qeyd edib ki, bu xəritə əvvəlki müşahidələrdən fiziki ölçü və dərinlik baxımından qat-qat üstündür. JWST-nin infraqırmızı və yüksək çözünürlüklü müşahidələri sayəsində 13,5 milyard il əvvələ aid qalaktikalar, qaranlıq maddə strukturları və hətta superkütləli qara dəliklər aşkar edilib.
Mütəxəssislər bu qədər qısa zamanda bu qədər çox qalaktikanın yaranmasının mövcud nəzəriyyələrlə uyğun gəlmədiyini bildiriblər və yeni elmi sualların ortaya çıxdığını vurğulayıblar.
Qeyd edək ki, layihənin məqsədi həm də elmi məlumatların hər kəs üçün əlçatan olmasıdır. COSMOS-Web saytında istifadəçilər bu nəhəng kosmik xəritəni interaktiv şəkildə araşdıra bilər.
Oksana
