ABŞ-nin Kaliforniya ştatında, Lake Tahoe yaxınlığında baş verən güclü uçqun nəticəsində 10 nəfər itkin düşüb.
AZXEBER.COM xarici mətbuata istinadən xəbər verir ki, hadisə Sierra Nevada dağlarının Castle Peak bölgəsində qeydə alınıb. Məlumata görə, 12 xizəkçi və 4 bələdçidən ibarət qrup üç günlük xizək turunun son günündə olub. Onlar iki gecəni dağ daxmalarında keçirib və tur marşrutu üzrə maksimum 6,4 kilometr məsafə qət etməli idilər.
Uçqun yerli vaxtla təxminən 2500 fut yüksəklikdə baş verib. Sierra Avalanche Center hadisəni "çox böyük” kateqoriyaya aid edib və insanları basdıracaq, ciddi xəsarət yetirəcək gücdə olduğunu bildirib.
Hadisədən sonra əraziyə axtarış-xilasetmə qrupları cəlb olunub. Hazırda bölgədə güclü qar yağışı, külək və ildırım çaxmaları ilə müşayiət olunan qış fırtınası davam edir ki, bu da əməliyyatı çətinləşdirir.
İlkin məlumata əsasən, ən azı 6 xizəkçi sağ qalıb və onlara təhlükəsiz əraziyə çəkilmək tövsiyə olunub. Digər 10 nəfərin axtarışları davam edir. Təxminən 50 xilasedici itkin düşənlərin tapılması üçün əməliyyat aparır.
Axtarış-xilasetmə işləri davam edir.
Gülay
