Kanada rəhbərliyi Məhsa Əmininin ölümündə günahkar olanlara qarşı sanksiyalar tətbiq etmək qərarına gəlib.
AZXEBER.COM xarici mediaya istinadən xəbər verir ki, Kanadanın baş naziri Justin Trudeau ölkəsinin şübhəli şəkildə dünyasını dəyişən Məhsa Əmininin ölümünə görə məsuliyyət daşıyan şəxslər və qurumlara qarşı sanksiyalar tətbiq edəcəyini açıqlayıb:
"Biz İranın dəfələrlə insan haqlarına məhəl qoymadığını gördük, indi bunu Məhsa Əmininin ölümü ilə daha real görürük. Bu gün elan edirəm ki, biz onlarla şəxsə və təşkilata, o cümlədən İranın əxlaq polisi adlanan quruma qarşı sanksiyalar tətbiq edəcəyik", - deyə Trudeau bildirib.
Qeyd edək ki, son günlər İranda baş verən ixtişaşlar zamanı 76 nəfərin öldüyü bildirilir.
Ayşən Mirzəyeva
