Kapital Bank Rusiyanın nəhəng bankı olan Sberbank ilə əməkdaşlıq çərçivəsində Sberbank tərəfindən tərtib edilən mobil telefon nömrəsi vasitəsilə ani pul köçürmə sisteminə qoşulub.
AZXEBER.COM xəbər verir ki, hazırda Kapital Bank-a məxsus kartlara Sberbank-ın mobil tətbiqi vasitəsilə pul köçürmək mümkündür.
Bu üsulla maksimum məbləği sutka ərzində 150 000 Rusiya rublu civarında olan köçürmələr zamanı 1% (minimum 30 Rusiya rublu) komissiya haqqı tutulur. Sberbank-ın mobil tətbiqi üzərindən köçürmələr Rusiya rublu valyutasında icra edilir, kartlara isə Kapital Bank-ın kursuna əsasən manat valyutasında mədaxil olunacaq.
