"Azeri Express” və Oba marketlər şəbəkəsi arasında əməkdaşlıq müqaviləsi imzalandı.
İlkin mərhələdə əməkdaşlıq çərçivəsində paytaxt və bölgələrdə yerləşən 100-dən çox OBA market filialında "Azeri Express”-in lisenziyalı poçt məntəqələri öz yerini tutacaq.
Bu məntəqələrin əsas məqsədi vətəndaşlardan əlavə olaraq sosial mediada onlayn mağaza işlədənlərin, karqo şirkətlərinin və alış-veriş platformalarının rahatlıqla öz müştərilərinə çatdırılma edə bilməsidir.
Hər iki şirkətin məqsədi tezliklə bütün OBA marketlərində "Azeri Express” poçt məntəqələrinin açılması və cəmiyyətimizə yüksək keyfiyyətli poçt xidməti göstərə bilməkdir.









