ARB telekanalında musiqili verilişlərə aparıcılıq edən Kazım Sübhan televiziya fəaliyyətinə fasilə verdiyini açıqlayıb.
AZXEBER.COM xəbər verir ki, ARB TV-də yayimlanan "Özəl" verilişinin aparıcısı olan Kazım Sübhan bu barədə sosial media hesabında paylaşdığı yazıda məlumat verib.
"Əziz izləyicilərim, dəyərli həmkarlarım! Bir müddətdir fəxrlə fəaliyyət göstərdiyim televiziya sahəsinə müvəqqəti fasilə vermək qərarına gəlmişəm. Bu qərar həm şəxsi inkişafım, həm də yeni layihələr üzərində düşünmək və dəyərləndirmələr aparmaq məqsədilə atılmış bir addımdır. Bu müddət ərzində mənə göstərilən dəstəyə, diqqətə və etimada görə hər birinizə təşəkkür edirəm. İnanıram ki, yenilənmiş ideyalar və enerji ilə yenidən görüşəcəyik. Hər zaman olduğu kimi, sizin dəstəyinizi hiss etmək çox gözəldir".
Aysel
