AZXEBER.COM xarici mətbuata əsasən xəbər verir ki, 2019-2023-cü illər arasında Argentinanı idarə edən Alberto Fernandezin keçmiş sevgilisi və bir müddət ölkənin birinci xanımı olan Fabiola Yanezin açıqlamaları sensasiyaya səbəb olub.
Fernandezdən ayrıldıqdan sonra Madriddəki Argentina səfirliyində ifadə verən Yanez, Fernandezin seçkilərdən əvvəl ona qarşı zorakılıq tətbiq etdiyini və abort etdirməyə məcbur etdiyini bildirib.
Yanez 2016-cı ildə hamilə olduğunu öyrənən Fernandezin hamiləlik xəbərini çox pis qarşıladığını və uşağı qəbul etmədiyini deyib. Birinci xanım Fernandezin ona qarşı zorakılıq tətbiq etdiyini və birlikdə yaşadıqları halda onu rədd etdiyini bildirib. Yanez keçən həftə Fernandezin ona qarşı zorakılıq tətbiq etdiyini açıqlayaraq zorakılığın fotolarını sosial mediada paylaşıb.
Xatırladaq ki, keçmiş prezidentin Yanezi aborta məcbur etdiyi bildirilsə də, cütlüyün 2022-ci ildə bir oğlu dünyaya gəlib.
Aysel
