Prezident Administrasiyası nəzdindəki Dövlət Təftiş Qurumu keçmiş prezident Turqut Özalın şübhəli ölümünün aydınlaşdırılması üçün yeddi nəfərlik elmi heyət yaradıb.
"Akşam" qəzetinin xəbərinə görə, prezident Abdulla Gülün təsdiq etdiyi heyətə kardiologiya, farmakologiya, kimya, biologiya və məhkəmə-tibb ekspertizası sahələrindən mütəxəssislər daxil edilib.
Heyətin il yarım əvvəl yaradıldığı bildirilir.
Dövlət Təftiş Qurumunun eyni zamanda bu məsələ ilə bağlı istintaq aparan Ankara Prokurorluğuyla da bir araya gələrək təsbitlərə əsaslanan koordinasiyalı fəaliyyət həyata keçirdiyi qeyd edilir.
İki qurumun ifadəsini aldığı insanların sayının yüzlərlə olduğu bildirilir. Hər iki təhqiqatda 1988-ci ildəki sui-qəsd cəhdi ilə bağlantılar da araşdırılır.
Dövlət Təftiş Qurumunun hesabatının bir ay içində tamamlanacağı, mayda hesabatın prezidentə təqdim ediləcəyi bildirilir.
