'Keçmişdə kim milli üçün nə edibsə, bu məni maraqlandırmır'
İDMAN
17:45 05.02.2013
1193
Bu gün Azərbaycan milli komandasının baş məşqçisi Berti Foqts Dubay şəhərində mətbuat konfransı keçirib.AZXEBER.COM-un Apasport.az saytına istinadən xəbər verir ki, almaniyalı mütəxəssis "Movenpick" otelində azərbaycanlı jurnalistlərin yanvarın 30-dan başlayan təlim-məşq toplanışı, Özbəkistan və Lixtenşteyn yığmaları ilə yoldaşlıq görüşləri haqda suallarını cavablandırıb.- Öncə çox şadam ki, jurnalistlər Azərbaycandan Dubaya toplanışı izləyir və işıqlandırır. Sevinirəm ki, medianın milliyə böyük marağı var. Bu çox müsbət haldır. Biz artıq bir neçə gündür bir yerdəyik. Komandanın məşq prosesindən həzz alıram. Sabah FİFA-nın oyun günündə yoldaşlıq oyunu keçirəcəyik. Onu demək istərdim ki, futbolçuların fiziki hazırlığı yaxşı səviyyədədir. Futbolçuların fiziki durumu vacib amildi. Çünki millinin oyunundan sonra çempionat başlayacaq. Onu deyə bilərəm ki, indi yığmada seçim artıb, rəqabət yaranıb.Klubdakı həmkarlarıma təşəkkür edirəm. Futbolçuların fiziki durumu yüksəlib. Bura 3 qapıçı ilə gəlmişik. Emil Balayev çox çalışır, amma təcrübəsi azdır. Kamran Ağayev artıq "Bakı"dadır, yalnız rəsmi müqavilə bağlamaq qalıb. İnanıram ki, rəsmi oyunlaradək hər şey qaydasında olacaq. Bəzi futbolçular üçün toplanış axırıncı şansdır.Keçmişdə kim milli üçün nə edibsə, bu məni maraqlandırmır. Çünki mən irəli baxıram. Futbolçu millidə oynayırsa, canla-başla oynamalıdır. Futbolçu meydana çıxdısa, ancaq qələbəyə oynamalıdır. Futbolçular bunu dərk etsələr, yaxşı nəticə də gələcək. Təəssüflər olsun ki, apreldə nəzərdə tutulan təlim-məşq toplanışı baş tutmayacaq. Bizim üçün ən vacib qarşıdakı 2 rəsmi oyundur.- Həmin toplanış niyə baş tutmayacaq ki?- Yaxşı olardı ki, həmin sualı PFL-ə verəsiz. Məndən olsa, toplanışı keçirərdim.- Rəşad Sadiqov Özbəkistanla oyunda görmədiyimiz mövqedə oynadı. Onun çıxışından nə dərəcədə razı qaldınız?- Bu toplanışda Rəşad Sadıqovla Ruslan Abışov iştirak etmədi. Ona görə də, həmin mövqedə Sadiqovu sınadım. Çıxışı xoşuma gəldi və onu deyim ki, mən həmin eksperimentdən yenə istifadə edəcəm.- Özbəkistanla görüşdə Rüfət Dadaşov necə çıxış etdi?
