Azərbaycanlı rejissor və aktyor Kənan Mahmudov (Kənan MM) Türkiyədə seriala çəkilir.
AZXEBER.COM ölkə.az-a istinadən xəbər verir ki, bu barədə Kənan özü məlumat verib. Məlumata əsasən, Kənan "Savaşçı"da yüzbaşı Bəxtiyar obrazını canlandırır.
Onun neçə seriyaya çəkiləcəyi hələ məlum deyil: "Bu gedişatdan asılı olacaq".
Kənan sevincini sosial şəbəkədə də bölüşüb:
"Bu gün "Savaşçı" serialında ilk çəkiliş günümdür. Sol qolumda şanlı üçrəngli bayrağımız var və Azərbaycan zabitini canlandıracam. Dualarınıza ehtiyacım var. Burada neçə gün, neçə ay qalacağım bəlli deyil. Amma bir şey bəllidir ki, sizi və Vətənimizi təmsil edirəm. Burada olduğum vaxt ərzində Vətənim üçün, siz və ailəm üçün çox darıxacam".
