Gəncənin "Kəpəz” klubunun sabiq prezidenti Rza Məmmədov vəfat edib.
AZXEBER.COM xəbər verir ki, Oxu.Az-ın əldə etdiyi məlumata görə, mərhum ürək çatışmazlığından dünyasını dəyişib.
Məlumatlara görə, o, uzun müddətdir bu xəstəlikdən əziyyət çəkirmiş. R. Məmmədov ürəyindən əməliyyat da olunubmuş.
Qeyd edək ki, Rza Məmmədov 90-cı illərdə kluba rəhbərlik edib. "Kəpəz”i həmin dövr üçün yaxşı maliyyə ilə təmin edən klub prezidentinin dövründə komanda 1997/98 və 1998/99 mövsümlərinin çempionu olub.
